Последние новости

Увага! 1 чэрвеня адбудзецца змена экспазіцыі ў арт-галерэі бібліятэкі. Назва выставы фотаработ “Казуркі-летуценнікі” невыпадковая!

Надыходзіць лета! Нельга ўявіць сабе спякотныя дзянькі без пчолак, якія збіраюць нектар з палявых кветак, стракозак з пераліўнымі і граючымі на сонцы крылкамі, а таксама   руплівых мурашоў, якія спяшаюцца па вызначаным раней маршруце. Такія маленькія па памерах жыхары планеты! Казуркі-летуценнікі, казуркі-драпежнікі, дзіўныя казуркі! Колькі іх у свеце вытанчаных і прыгожых, з мноствам турбот і бесперапынных клопатаў, або насупраць тых, хто нерухома атрымлівае асалоду ад цяпла сонечных промняў! Яны, як кажуць навукоўцы, асвоілі Зямлю задоўга да млекакормячых, маюць сур’ёзную арганізацыю, якая дазваляе ім цудоўна існаваць!

Плануйце адпачынак, натхняйцеся сакавітасцю прыроды, і захапляйцеся разнастайнасцю выгляду і звычак, афарбоўкі і памераў казурак з фотаработ нашай выставы!

Запрашаем да прагляду!

6 снежня адбудзeцца змена экспазіцыі ў арт -галерэі бібліятэкі ўніверсітэта.

На выставе «Паміж пэндзлем і пяром» прадстаўлены копіі работ беларускіх мастакоў. Тэма хараства беларускіх краявідаў вабіць прадстаўнікоў як выяўленчага мастацтва, так і паэтаў. Сугучча зімовых эцюдаў і пейзажаў з адпаведнымі творамі ствараюць поўную карціну той пары года, дзе занадта чароўная снежная далеч, засівелыя і велічныя дрэвы ў парку, марозныя карункі на шыбе, пальчаткі і рукавіцы, елка з агеньчыкамі гірлянды, а таксама мандарынавы пах і прадчуванне цуду, як у дзяцінстве. 

Запрашаем да прагдяду! 

11 сакавіка адбудзецца змена экспазіцыі ў арт-галерэі бібліятэкі ўніверсітэта.

Выставу фотаработ у выглядзе «даведніка па падарожжы» у прывабныя мясціны гістарычнай Віцебшчыны зладзіла супрацоўнік бібліятэкі Юлія Сяргееўна Лоскутава. Помнікі архітэктуры - велічныя і сусветна вядомыя, альбо маленькія, каштоўныя толькі для жыхароў населенага пункта. Гэта не мае значэння. Галоўнае – захоўваць і ўзнаўляць гэтыя сведкі стагоддзяў, а таксама памятаць пра тыя падзеі, якія адбываліся ў пэўных мясцінах. 

25 сакавіка адбылася змена экспазіцыі ў арт-галерэе бібліятэкі ўніверсітэта.

У экспазіцыі «Памятнае лета 1944 года: да 80-годдзя беларускай наступальнай аперацыі «Баграціён»» прадстаўлены копіі работ беларускіх і савецкіх мастакоў жывапісу, у якіх раскрываецца веліч подзвігу народа. Падчас вызвалення Беларусі ад нямецка-фашысцкіх захопнікаў была праведзена найбуйнейшая стратэгічная аперацыя Вялікай Айчыннай вайны - аперацыя "Баграціён". Беларуская наступальная аперацыя па праве лічыцца найбуйнейшым дасягненнем айчыннага ваеннага мастацтва. Падчас яе Чырвоная Армія не толькі вызваліла Беларусь ад акупацыі, але і, значна падарваўшы сілы ворага, наблізіла крах фашызму і  нашу Перамогу.

Гэта стала магчымым дзякуючы мужнасці, гераізму, рашучасці і самаахвяраванню сотняў тысяч воінаў, падпольшчыкаў і партызан Беларусі, многія з якіх загінулі на беларускай зямлі. Тыя гераічныя падзеі і зараз за­ста­юцца свя­тым ад­біт­кам у нашай памяці і  на па­лот­нах бе­ла­рус­кіх  і савецкіх  мас­та­коў.